Paperezko ahotsak

Estibaliz Urresolarekin batera hainbat ekoizpen eta tailerretan parte hartzen dugu. Paperezko ahotsak haren lehen film luze dokumentalaren kasuan, argazki, kamera, soinu, muntaia eta ekoizpen zuzendaritzan jardun genuen. Paperezko ahotsak nagusiki telebistara bideratutako dokumentala izan zen, EITBrentzat. Hala ere, 64. Donostiako Zinemaldian aurkeztu zen eta Zinemaldia.cat-en dokumental onenaren saria jaso zuen.

Sinopsia:
1937ko abuztuaren 19a. Totalitarismoak aurrera egiten du gupidagabe. Santanderren erbesteratuta, Agirre lehendakariak Gabriel Olaizola musikariari dei egiten dio misio bat agintzeko: “Gerra galduko dugu, baina gure eginbeharra da artearen bitartez borrokan jarraitzea”. Testuinguru horretan jaio zen Eresoinka, erbesteratuek osatutako euskal artearen diziplinarteko talderik handiena, Paris eta Europako eszenatokirik onenak konkistatu zituena, bake mezua helaraziz. Baina, non datza artearen indarra? Zergatik izan daiteke borrokarako tresna?

Inazita Olaizolak eta Margaritte Truebak, abenturatik bizirik atera diren bakanetakoak, Eresoinkaren abentura ekarri digute gogora: dokumentalaren doinua. Marga Berra, Ione Miren Agirre eta Pablo Ibarluzea Parisi lotutako euskal artista gazteen eskutik datoz segidak. Haien diziplina artistikoen bitartez Eresoinkaren kontakizunaren eta mugimenduaren alderdi komunak azaltzen dizkigute, norberaren bizitzaren irudikapen gisa.

Fascinaren ekoizpen bat EITBrentzat, Euskaltelen partaidetzarekin.
Aranzadi, Zazpi T’erdi eta Filmotiveren lankidetzarekin

Generoa: Dokumentala
Formatua: 2K 1.1:85
Soinua: Stereo
Iraupena: 73 min.
Urtea: 2016
Jatorrizko bertsioa: Euskara, gaztelera eta frantsesa
Azpitituluak: Euskara, gaztelera eta frantsesa

 

Gidoia eta zuzendaritza: Estibaliz Urresola
Ekoizlea: Alfredo Torrescalles
Ekoizpen zuzendaritza: Iñaki Sagastume
Argazki zuzendaritza: David Aguilar Iñigo
Soinua: Pello Gutiérrez
Edizioa: Pello Gutiérrez eta Estibaliz Urresola
Soinu muntaketa: REC Grabaketa Estudioa
EITB ekoizlea: Aintzane Pérez del Palomar
EITB ekoizpen elkartua: Elena Gozalo

 

 

 

Sariak:
Dokumental onenari urrezko txapela, Zinemaldia.cat 2017 (Barcelona)

Proiekzoak:
64. Donostiako Zinemaldia – Zinemira
Gernikako EuskalHerria museoa.
Baionako Euskal museoa.
Laudio Zinemak
Aita Mari Antzokia Zumaia.
Espaloia Kafe Antzokia Elgeta.
Oihaneder Euskararen Etxea. Gasteiz.

 

 

Artea bizitza da. Bizitza mugimendua da.
Margaritte, Inazita, Philippe, Sor Gabriela, Begon Ona, Pablo, Ione Miren eta Margaren istorioak lotuta daute: Boxeoko ring batek, 1937ko apirilaren 26aren datak, Nazioarteko Ballet Akademia baten dantza-pauso baten izenak edo Picassoren Guernicak lotzen ditu. Bizitza eta artea mugimenduan. Bi garai eta bi eszenatoki: iragana eta oraina – Paris eta Euskadi. Esparrua guztiontzat da, baina hainbat istorio, esperientzia eta gogoeta sortzen dira, eta horiek guztiak harremanetan jartzen dira guztien artean melodia bat osatzeko: artearen botere eraldatzailearen melodia. “Paperezko ahotsak” mugimenduari buruzko dokumental bat da, eta ia ezagutzen ez den Eresoinkaren historia erakusten du. Euskal kultura tradizionalaren diziplinarteko lehen prestakuntza artistikoa da, eta erbestean, konkistan eta nazioartean eragin handia izango du, Bigarren Mundu Gerraren leherketarekin desegin arte.