Larrotxene (DonostiaKultura)
Donostiako Larrotxene Kultur Etxeko ibilbide luzeko ikus-entzunezko eskola. Larrotxenerekin harremana aspalditik datorkigu. 2005etik aurrera hainbat ikastaro eskeini ditugu: irudia, zinema dokumentala, ikus-entzunezko errealizazioa eta teknika, haur eta gazteentzako ikastaroak… 2018tik aurrera ere ekoizpen eta zinema hedatua ikastaroak eskeintzen ditugu.

Gehitu + Mugen Gainetik
Errealitate Lesbikoak ikus-entzunezko ikastaroa.
Bi elkarteekin lankidetzan ikus-entzunezko sormen experimental batean jardunean ibili gara. Errealitate Lesbikoak izenburupean era askotariko eskarmentua duten pertsonen arteko topaketa bilatu zen ekimen honetan. Elkarrizketa hauek oinarritzat hartuz, sormen kolektiboko dinamikak proposatu genituen. Ikastaroaren ondorioz sortutako pieza, “Ondas mareadas” hainbat zinemalditan aurkeztu dugu: Bilboko Zinegoak, Berlingo Xposed Queer Film Festival, Cinespaña, Toulouse, beste hainbaten artean.

Ondas mareadas (Dizzy waves) Ikastaroko parte-hartzaileek sortutako pieza.

Zineleku
Kalakalab elkarteak Euskal Herrian antolatutako ikus-entzunezko formakuntza, ekoizpen eta erakustaldirako programa bat da. Helburua ikus-entzunezkoen sortzaile berriei ikuspuntu komunitariotik diziplina-arteko harremana sustatzea da. Murgiltze proiektu hori urtero Euskal Herriko leku batean garatzen da, elkarrekintza eta hartu-emana indartzen dituen gune batean elkarbanatu ahal izateko horrela, sorkuntza esperientzia paregabea.
2017tik aurrera Zinelekun esperientzia politak elkarbanatu ditugu, irudi, experimentazio sormen-prozesuak, ekoizpen hizketaldiak, eta abar. Hau da 2019. urteko emaitza.

SOS Arrazakeria Gipuzkoa
Aldiro SOS Arrazakeria elkartearekin lankidetzan ikus-entzunezko ikastaroak eman ohi ditugu. Bertan, giza-bizikidetza, arrazakeriaren aurkako ekintza eta gorrotoaren diskurtsoa bezalako gaietan gogoeta eta sentsibilizaziorako tresna gisa erabiltzen dugu zinema. Europar Batasuneko REACT bezalako programetan ere lanean dihardugu SOS Arrazakeriarekin batera.

Oil in Water. Donostia eta Bergen (Norbegia) hirietako parte-hartzaileek sortutako pieza.
Las Jordan. Bidebietako Institutuko ikasleek sortutako pieza, Europear Batasuneko REACT gorrotoaren diskurtsoaren aurkako programaren barne.